Skitour Schibespitz

Geng wie geng heimer nis bir wäue troffe, u si när richtig gantrisch ufe düüset. D föhnmuur bi eiger mönch u jungfrou hett sech gfürchig ufbout, wäg dem heimer rächt schnäu mau afah loufe. Nachemne fasch windstiue start blast üs plötzlech ä wind entgäge u mir hei gwüsst das üs dä hüt wird begleite. Aber so öppis hautet üs natürlech kes bizeli uf. Wägem stou uf der A-1 richtig Morgetepass heimer de di äbefaus steili Kantonsstrass richtig Schibespitz gno. Dobe het öpper gheisse abfälle und z züg festhäbe (es het zimlech gluftet). Änegrad dere Person isch aber es seckli abhande cho.Udas Seckli isch gfloge sowit, das es scho hett müässe flugabgabe zahle. Mit de Pulverheng si mer zwar zur tour cho aber harsch harsch hasch! Nach ärä churzä pousä ufem grat simer dr harschig hang derab gfahrä. Nach es par schwung sie mir unger wider acho und hei ohni grossi pousä d fäu wider a d Ski da  und sie losglofä. Uf der ängä spur si zum glück fasch ke lüt meh gsi. Nach einisch stock verlüre und em churzä Ski a- und abziäh simer när richtig Gipfu los glofä. E schön harschigi traverse hetts ge, I dere bini vo mim Rucksack verprüglet worde, de hett ungerstüzig vom Wind becho und mer jedes einzelne mau zrügg gäh wo i ne a Bode ha la gheie. Obe acho hei mer es schöns wetterli gha und abgfehlet, endlech mau ke Wind. Ner hetts gheisse 2minlos Poschi fahrt baud. Hei üs ner e iswand abekempft chli la zieh – boom – Punktlandun: z nechste Poschi fahrt i 3 Stung u mir hei 3 minute gwartet.

Schlusszitat vo irgend änämä Teilnähmer: ufe Mont Blanc isch ömu eifacher aus vom 10er ir badi gumpe… ömu im winter.

Fotos: Marika und Mathias
Bericht: alle Teilnehmer und Teilnehmerinnen
Teilnehmerinnen und Teilnehmer: Jela, Mathias, Tim, Benjamin, Claudio, Lukas
Leiterinnen und Leiter: Marika, Sämi