Skitourenlager Bourg St Pierre

Von Sonnig-pulvrig bis zu stürmischem Whiteout haben wir alles erlebt. Beim Skitouren sowie beim Tutto spielen. Toll wars!

Tag 1
Trotz einisch fausch umstige heimers de doch no rächtzitig ufe gross St. Bernhard gschafft. Dert hemmer de üse vo visp Visp ikouft Leiter Jerôme troffe. Bim Usgangspunkt Bourg St. Bernhard heimmer no e Dreiort vom Fium Tschugger gseh. Dert het üsi ersti Skitiur gstartet. Aus erschts simmer ufe Dents du grand Lé gange. Hinde isches när stotzig abe gange und aschliessend wider ufe ufe Pointe de Tenou. Vougschwitzt und mit muesige Oberschänku simmer zu ischem Hischi uf Bourg St. Pierre gange. Dert isch äuplermacarone und öpfuchueche gmacht und gässe worde (haut d räschte wo der milo noni gschnouset het), bevor mir s erste mau hei s Spili Tutto gspiut, weles sech im Verlouf vom Lager no zimlech e Legändestatus erworbe het. Zimlech glii simmer de o scho bettwärts gange.

Tag 2
Zum Glück nit auzu früech simmer uf die 2ti Skitour wo uf waudigem Bode het gstartet. Bir erste Pouse ufenere Ebeni hei mir e Challenge gmacht, wär am gradiste cha loufe, was bi üsne schräge Persönlichkeite meh oder weniger guet funktioniert het. Vom Gipfu simmer wüus gwindet het schnäu wider abe. Trotz däm dass es im waud chum Schnee het gha hei mers ohni viu chratzer hei gschafft. Ou am zwöitä abä het dr Benjamin im Tutto kläglech verlore.

Tag 3
Am dritte morge simer mit em outo chauffiert wordä. D skitour het dadermit agfangä dass mer unger der stoumur ungä dürä glofä gsi. Nächer heimer nüm so fiu gseh. Drum geimer mit em Azimut der Gipfu gsuecht und gfunde. Ufem wäg isch üs leider no einisch dr Steezy Rider Milo umgluftet worde. (“S Läbe isch nit eifach ide Stasse vor Hood…”)Dr Jerôme het aso bir Bschteuig vom wätter chli z viu wind agchrützlet. Obä ufem gipfu heimer de schnäu wider abä wöuä abr da dr silvan nid dr schnäuscht isch im fäli abzieh het säch das ä chli i d längi zogä. Bir Abfahrt het dr jerome zimläch für üs gstöcklet und so isches üs ä chli eifacher gfaue. Am drittä abig hets dr benjamin zur grossä überraschig vo aune de doch no gschafft mau im tutto z gwinnä.

Tag 4
Fürä letscht Tag brucht mä nid fiu wörter: wunderbare steezy powder.