Lawinenkurs und Lifeskills

Am fritiabe hei mir üs z erste mau z bärn versammlet. Mir hei ä input vom flöru becho so dass mir am samsti scho vouer wüsse i kurs gstartet si. Nach es paar aaloufsschwierigkeite hei d ski dr wäg ad füess doch no gfunge. Friedlech hei mir üses zmittag ir warme hütte zu üs gno, bevors wieder use ad cheuti isch gange. Dört heimer aues übr üüses Lawinematerial glehrt u zeigt becho wie mes im notfau bruucht, während die angeri gruppehäufti ar wärmi het toureplanig ahgluet. Nachem wächsu hei mir ir hütte no chli a üsnä lifeskills -vo züpfebache über zibeleschniide u tichu spiele- gfilet u hei när imene sauna-ambiente znacht gässä, was zu hitzigä gspräch gfüert het. Wo o di letschti ploudertäsche d ougä gschlosse het ka isches de so ruhig worde ir hüttä, dass me fasch dr schnee het ghört aberisle. Am Morge hei mer zum zmorge e mit liebi knätteti züpfe gässä u nach äre lektion übr spuurelag und paar schneeprofiu hets de no e fägigi abfahrt gä.

Leitung: Florian, Janine, Sophie, Theo