Clean Climbing in den Zentralalpen

Vier Tage mit Keile, Friends, Risse, Verschnidige, Klemme, Spreize, Piazze, Granit

Zurä alpinä Startzit hei mir üs am Bahnhof Bärn troffä u si i richtig Brig gfahrä zum när witer ufe Grimsupass, dört het ner scho z Poschi richtig Furkapass uf üs gläueret. Vo dört hei mr z Lager im moor vom furka ufbout. Grad näbädran simer no chli ga platäschlichä. Am Abä hei mr no chli d umgäbig erkundet, wobi dr Moritz knapp zä Metr dr Bach i rä wiudä Wasserbahn abägrütscht isch. Zum glück isch numä sis Handy kaputt gangä.
Am nächschtä Morgä hei mr zmorgä gässä, bevor mr gmerkt hei, das z Glück geng no nid uf Moritz‘ sitä gsi isch. Nämlech isch sini täschä vom fuchs ghout wordä u drbi isch sis gsamte Esse gfresse und sini Patagonia Täsche verfätzt worde. Nachem nid so churz wie dänktä zuästig, hei mr glernt friends z setzä, odr im fau vo dä erfahränä nöii gräd mit friends z pushä. Am abä hei mr no öppis znachtgässä u si zitig ga schlafä, damit mr am nächschtä Tag nid iz gwittr inä chömä.
Am drittä Tag simer zur granitwand vom chli Bielehorn gloffä, zum ä mehrseillängi bis zum gipfu z machä. Mir hei üs drfür i zwöi gruppä ufteilt, ä stercheri u ä chli gmüetlecheri. Ä Routäunterbruch het die stercheri gruppä i nä unbekannti Routä zwungä, was sä spetr schlussändlech zum abseilä bewegt het. Die gmüetlechei gruppä het die Problem nid gha, trozdäm isch när d heufti vor gruppä ungerwägs widr abä gangä. Ufem abäwäg hets ä teil vorem rägä iz lager gschaft, die angerä hets leider vrrägnet. Nachem znacht wos widr ufta het, heimr no d Perseidä-Stärnschnuppä beobachtet.
Nach churze abseilüebige isch de klar worde das dr ennio nid nur chlätteret wine räntner sondern ou so abseilet. När simer hei.