Tourenwoche Almagell

Am Mäntig simer id Almagellerhütte
Für das bruchts äs paar Schritte

Nachnes paar Stung simer dobe acho
U das natürlech ohni Outo

Am Abe hei mer öppis agluegt zur Seiltechnik
U das mitemne wunderbare Usblick

Am Zischtig hätte mer ufz Sunnighorn wöue
Aber das het leider nid ganz häre ghoue

Mir si fasch dobe gsi, aber äbe nid ganz
Sone firlefanz

Bismer de ume si acho, dungä
Si scho 10 Stung vergange

Dr nächscht Usflug het am Mittwuch gstartet
U z phänomenale Wätter het o scho uf üs gwartet

Vode Trihörndli heimer genau eis gschafft
När hei mer scho müesse abseile, ganz fabuhaft

Dr Morge druuf
Si die einte ganz früeh uuf

Während die einti Heufti het pfüüslet
Isch die angeri ufs Wissmies düslet

Das isch momentan no ä Viertuusiger, dank äm Schnee
Wener auerdings schmiuzt, ischs de kenä mee

Iz isch scho dr zwöitletscht Tag
U das ohni Niederschlag

Denn si mer no ga chlättere
U das natürlech ohni ds wättere

Im Gägesatz zur Chlätterhaue
Si d Häägeabstäng chli witer usenander gfaue

Das isch kes Hinderniss
Aber ä nöii Erkenntniss

U de isch oscho Samschtig, u somit die Wuche verbi
Trotz dr schnäu vergangnige Zyt, isches mega toll gsi

Das lohntsech sehr wieder z mache
Denn so Hochtoure u Chlättere si ganz tolli Sache!