Tourenbericht MSL Klettern Üschenen

Mir hei üs am Samsti Morge am Banhof z Bärn troffe u si när mit zwönie Outos losgfahre Richtig Kanderstäg. Ungerwägs hei mir no Joris u Joscha z Heimbärg ufgablet. Wiu d Gondle ufd Aumeaup ersch am 9. Mai uftuet simer no chly mitem Outo ufegfahre. Aus mer bim Isteg vo de Route si achoo hets ersch ä churze Theorieblock zum Abseile gäh. När heimer üs ufteilt: Die einte hei z Abseile güebt u die Angere hei güebt Stangplätz z boue. D Fixpünkt für ds si zwöi Rose gsi . Nächer heimer 6 Seilschafte gmacht u si los. D Chläterei isch abschnitswys chly plattig gsy süsch sis aber sehr cooli Route gsy. Die Erschte wo si dobe acho hei när sogar no chly chönne sünnele u di phänomenali Ussicht gniesse. Für z Abseile hets ä Abseilpiste gä u me het direkt im Schneefäud chönne lande. Es paari hei aus sie wider dunge si gsy no Zyt u Energie gha eini (oder o zwöi) seillängine z chlättere. Denne heimer üses Züg zämäpackt u es het churz ä chly Materiauschlacht gäh. Aus jede au sis Züg het gha heimer no es Gruppeföteli gmacht u si zu de Outos abgstige. 

Insgesamt isches ä mega coole Tag gsy mir hei viu nöis chönne lehre oder auts wider chly uffrüsche, mega cooli lüüt chönne kennelehre u i geilem Feus chlättere. 

Mercii ad Michaela u ad Jela fürs leite!

Tourenbericht: Luis
Teilnehmende: Amal, Benjamin, Cecile, Joris, Joscha, Livio, Luis, Maria, Nina, Saraina