Elwertätsch anstelle des Wetterhorns

Mir si super frueh uf si när mitem zug und erä eher schtiuä gseuschafft ufd loucherä ufä. Ds gondeli isch wägem schönä wätter und Powder vou gsi winä sardinädosä. Bir churzä abfahrt vor louchärä hei mr scho chli powder gschnupperet. Dr Sämi ich nachem afäuä sehr rasant los gloffä bis zur erschtä schlüssuschteu. Dank hervorragende Wetterkenntnisse u bitz glück isch d lawinesituation vor Ort o kes Problem gsi. Zwar heimer nid so stress gha wie wenns s wetterhorn wär worde, aber schlächteri sicht u meh wind hei sech füre nami ahkündet. Womr chli höcher si gsi hets när gchuttet wi blöd und aui hei d Windjäggli montiert. Paar spitzcherinä und e Schlüssusteu später simer när ufem Elwertätsch acho und hei es Käffeli usdr Bialetti gnosse. Lang heimer abr nid chillt wüumr giggerig ufd Abfahrt si gsi. Obänusä isch dr Schnee super gsi, ä Schöni Pulverabfahrt, je witer abä dsmer cho si, isch abr dr Schnee immr schwerer wordä. So schwär u glich het sech dr milo nid gscheut für ne chline toucher i pulver. Wär fahrt wines a-loch ( achtung: kompliment von jela, a-loch heisst: fährt mega gut) muess das risiko leider i chouf näh. Nach ärä langä und immer schneeärmer wärdendä abfahrt hei mir de d skis ufä rucksack müässä näh und si no gmüätläch bis zur talstation mit schuädepot tschirget.

Leiter:in: Marika, Milo, Sämi