Almagellerhütte

Abgfahre simer mit füf lüt und im zug hei säch de nach und nach aui igfunge. Üsi wanderig uf d hüttä het dadermit gstartet dass des bösfahrer afe mau üsi station use glah het. Nachere Watschelpartie bis zur verpasste Bustation het de dä frostig Zuestieg, wo sich de schono ziemlich zoge het gstartet. Nach arschchalte 3.5 Stunde mit diverse gfrorne Bächli simer de bir Hütte acho. Mir hei üs aber ned lang ir Hütte usgruet, vielleicht o wills ir Hütte öppe glich warm aso chalt isch gsi wie dusse. So simer de über Geröll bis zur Süd-Ostwand vom Dri Horlini gloffe. Nach es paar wenige lustige Seillängene mit unagnehm dicke Seili simer de am viertu ab 6 ir Hütte wieder acho. Denn hets de scho bald Znacht gä. Ir wägä de viele Lüt warme Stube heimer de üses Znacht gnosse. Am Morgä si mir um 6:45 ufgstangä (mit ausnahm Silvan). Um 7:00 hetz när Zmorgä gä. Nach dem Zmorgä hei mir us parat gmacht und si richtig istig vor hornli Überschreitung glofä. Nach ärä müsame Rute findig si mir schlosäntlich mit Friends und Keilen igstigä. ganz vorne isch Lucie mit gfüete 3 Tonne Matrial los klettert.
Nach 2 Seillänginä heimer scho die ultra schwierigi 4a ufä kraxlet.
Nach es paar seillängine isch es denn zum erstä schmälle grat cho dä sehr mega giga supper genial isch gsi.
Irgend wenn isch de chlini passage cho wo mä de gd nachär am churze Seil het müese gha. Nach es paar wenigä Meter am churze Seil ischs denn no zu 2 Seillängine gange.Am schluss nomau no ganz ganz churz am churze seil und denn zerst ä nahrendie churzi pouse. (Ir pouse heimer no Mat. Sortiert) Nach der supper dupper Pouse ischs a abstieg gange.
Zerst am churze seil de nächer im gröll abe gloffe bis mr über vieli steine bir hütte si acho. Wo mir bir hüttä si acho heimer no zäh minutä gha zum packä u de simer scho abä gsprintet. Wo mir dungä si acho hei mir no chli zit gha für i Volg zgah u de si mir scho wider heigfahrä. Im platschvolle Poschi hei mir üs de bis uf Visp abe kämpft. Denn ischs ufe Zug gange wo wär hets dänkt o platschvoll isch gsi. Im Zug hei mir aber immerhin chönne sitze.

TeilnehmerInnen: Nora B., Jela, Fionn, Livio, Kaya, Silvan, Nicolas, Nora O.
LeiterInnen: Lucie, Thiemo