Höhlenforschen II

Dasmal nid ufe Berg, sondern i Berg ine.

Guet bechleidet mit Gummistifle si mir düre touristisch Teil vor Höhli spaziert, bis mir über d Absperrig kletteret si, und der interessant Teil agfange het. Ab denn isches nass und chalt gworde. Und alli paar Meter hei mir chönne entscheide, ob mir e komplizierti Kletterei wei mache, oder eifach durchs Wasser laufe und när d Gummistiefle leere.

Es het viu wunderschöni Stalagmite und Stalagtite gha, und viu Indoorwasserfäll. Mir hei sogar e seltnige Wurm entdeckt.

Bim Rückweg hets no e Sturz is teufe Wasser gä, wo rückblickend Spass gmacht het. När si mir aber froh gsi, wider is warme chönne z ga, und nachem Ufwärme si paari no i See ga bade.

Es isch e super Tour gsi, mit vertraute Kletter Element aber doch o viu neuem.

Grosses Merci Bernu und …!