Clean Climbing Wochenende

Mir si z bärn per zuug richtig göschenen losgreist. Was grundsätzlich scho ä haubii wäutreis isch aber mit viu gepäck fürs zäutlä no fiu witziger isch gsii. Ufem zäutplatz achoo hei mit üsi zäut ufsteut und ä tisch erobert. Närä simer i nä chlättergartä wo mir vom Säschü und vom Noah ä crash kurs zu dä mobilä sicherigsgrät hei überchoo. Diä heimit harä säuber gleit und usteschet ob si ou würk hei. Da mir am clean climbä si heimer ou derfüür gsorgt das mir ruutä „cleaner“ zrütläö aus vorgfungä idäm mir ä riss vo plättli befreit hei. Nachem chlätterä hetz no ä schwum im seeli gäh und närä äs geuts z nacht.

Am zwöitä tag si mit wider i nä chlättergartä aber dasmau i nä besserä, dürfüür hei miir aber äs bizzli muäsä loufä, dertä hei mir närä uses nöi glertä mau richtig chönnä awändä. Mir hei frends gleit und rissä klemmt. Ja nächet dr nami isch choo deso heisser isches wordä. Und irendeinisch isch dluft chli dussä gsii. Aso si mit wider zrügg ufä camping gangä, aber dasmau mit em bus. Dä euterä hei no schnau muässä uf göschenä ga d snack vorrät uffüuuä. Nachdäm heiz wider ä abä schwum gäh und äs witters guets znacht. Während äm chlätterä im chlättergartä isch no Olympia gloffä, aber dr säschu heut uf ke fau wöuä wüssä wär gwunnä heut nur speedclimbing hei mr im dörrfä sägä das het üps aber ou nii so gjuckt.

Am Samschti simer chlei früexher uf wöus ab ufne Mehrseillängi isch gange. Am Aabe vorhär heimer d Seilschafte abgmacht gha aber womer am Iischtig si gsy het plötzlech kene dume no ei Seilschaft uf die eifacheri vo de beidne Routene wöue. Nach bizeli Diskutiere heimer entschide aui di eifacheri zmache. Es isch e sehr schöni Route gsy wome sogar no paar Friends het chönne ichesetze. Nume het dr Noah nach 3 Seillängine zgfüeu gha är müessi de ungere ufe Chopf chotze und di ungere zwöi Seilschafte hei entschide när abezgah. Chum wosi das entschide hei sy fi obere zwöi scho bim „Gipfu“ aacho. Churz d Ussicht gnosse u när ufere grosse Rutschpartie wider nidsi zum Iischtig ubmit de angere abe. Natürlech am Aabe no dr obligatorisch Schwumm im See darf nid vergässe gah.

Am letschte Tag simer nachem Zmorge no hurti ine Chlättergarte womer ersch womer dobe si gsy gmerkt hei das üses Seili zchurz isch und mier nume schwirig hei chönne kommuniziere dasmer nächär hei wöue abseile mit zwene Seili. Aber nachere Schtung im Stand simer när o wider uf feschtem Bode gsy. Nachem abeseckle und emne Schwumm im Seeli heimer zämepackt u hei nis wider ufe läng Wäg zrügg uf Bärn gmacht.

Tourenleitung: Noah