Tagestour lang und schön

Die JO macht sich spontan und lang mit noch paar Aktiven auf den Weg 🙂

Es risigs gnusch am Bahnhof Bern lat üs nid la ufhalte. Mit em Plan z Daubenhorn z’betube, gömer mit dr Lokomotive richtig Leukerbad.

Kurzerhand no die nöii Sportart entdeckt “langlauf-touring” und de ab, über d Gemmi-Äbeni – witer höchuus richtig Gipfel vom Daubenhorn. Kurze Snack. Wäutklass Ussicht. Würklech!

De simer parat fürs abefätze – mitere kurze Pouse fürnes Kaffeekränzli mitem Pöwder (grüess gö use ah derä stell). Dr nächscht Ufstig isch heiss worde, das isch nid nur ah üs glägä – d Sunne het definitiv derzue bitreit dasmer obe ufem Lämmereboden, gschwitzt hei wie nur öbbis. Die nächsti Trinkpouse isch da sehr passend cho.
Uf em Wäg i Schwarebach heimer leider ke Pöwder gfunde.
Nachdäm mer fasch si bliibe chläbe u no haube um üses Läbe hei gstöcklet, simer bim rettende Chueche u Trinke aacho.
Nach ärä Abfahrt im Odermatt-Stiil und ämemä chlyne uufstiig heimers de doch no uf d Bahn gschafft.

Merci a Lüku und d Lena des das Wucheänd doch no in chly chlinerer Form het statt gfunde!