Eiskletterwochenende

Die 10%igi Uusfausraate hei mir scho ds Bärn am Bahnhof erreicht. Die nöie glänzige J&S Seili si zum erste mau ufgno worde.
När simer zertste mau chli as Is, sisch aber o ni schlächt chaut gsi, was üs nach enärä churze Iifüahrig nid dra ghinderet het i di erste Längine ds ga.
Dä viune Lüt si mr usgwichä i däm das mr i schwirig Sektor si.
Nach derä Asträngig heimr üs äs Kafi oder ä heissi Schoggi gönnt.
Ir heisse Hütte heimr üs schön usbreitet. Ä Hütte wie kei angeri, Platz für theoretisch 2 JO’s u es feins Fondue. Früech simr ga mutze. Am Sunnti simr die erste am Is gsi u hei die bestä Linie ighänkt u när heimr wieder vou Gas gä. Umgekehrt aus am Samsti ischs am Morge wärmer aus am Nami gsi.
Bir Rückreis heimr chli meh glaueret. Eis Seil heimr grad uf dr Engstlige gla u närä isch no ä Basler BMW mit Summerpnö im Schnee blibe steckä. Nachdäm s Kommando vom Chrigu “ganzi JO ga stosse!” düre Böss isch, simr aui usgstigä u ga stossä.
Im Zug hei no 2 Billett gfäut, när heimrs de aber doch no nach Bärn gschafft.
Ds Wucheänd isch dür u dür cool gsi, merci viu mau Simuu Chrigu fürs leite.

Leitung: Simon Stoll
Teilnehmende: Anna, uvm.