Wiriehore im April

Der Pöwder – Morgenhorn

Am halb 7i hän mir uns uffm Gleis z Bärn troffe. Noch zwei mol umstiige sin mir denn am Startpunkt im Diemtigtal ahko, und sin mit fascht allne andere usm Poschi durch dr verschneiti Wald uffgstige. Üsi grossi zämegmischti gruppe het sehr guet zämme funktioniert. Well dr Vorderscht spure hett müesse, sin eigentlich alli als ei Gruppe gange. Dr Sämi hett e grosse Teil vom Wäg übernoh. D spur isch nachem wald über offene stelle gange. Dört isch aues wiss gsi. Mir hei aui es hönne tempo druffe gha. Begleitet si mir zusätzlich no vo mene hung worde. Gheisse het är Mursim.
När ufem Gipfu hei mir di schöni Ussicht ufs Nebelhorn, Wiisspitz und Schneehorn gha 😉
Aber immerhin hei mir der Wegwiser ufem Gipfu gse.
När si mir mit nere Sichtwiti vo 10m abegfahre, und bevor me öper gse het het me z Kratze vo de Felse unter de Ski ghört.
Es het zwar sehr schöne powder gha. Aber eifach nid viu drunger.
Nach nere fäggige abfahrt dürs Gstrüüch hei mirs när doch no rechtzitig ufs Poschi gschafft. Das isch es riese Glück, wüu süsch hätte mir no 3h ufe nächst chönne warte.