Simploner Breithorn an der Sonne …
… statt Biwak im Schneegestöber
Archivbericht
Losgange isch d Tour am 8i bim Bahnhof Bärn. Mit Zug und Bus zum Simplonpass. Wäg dr schlächte Wätterprognose leider ohni Biwaksack. I dr Färni erahne mir üses hüttige Ziu, z Breithorn. Im Ufstieg isch d Sunne schön warm gsi und het üs vo der afängleche Früschi erlöst. Zur Erlösig isch de no es Windli derzue cho, wo üs uf de Letzte, vo de 1400 Höhemeter Ufstieg begleited het. Z iigschneite Gipfuchrüz heimer nume churz gnosse und hei üs dür abwächsligsriiche Töifschnee ad Abfahrt gmacht. Mit eleganter nordisch-klassischer Skitechnik simer aui wieder heil bim Simplon Hospiz acho. Dank em Alpetaxi heimer o bi Zyte z Brig trotz Erschöpfig e Zug verwütscht. Isch toll gsi
Teilnehmende und Bericht: Madeleine, Rachel, Noah, Laurin, Simon und Aaron Seilträger: Noah & Laurin Leitung: Leo-Philipp & Dänu