aus Gwächtenhorn wird Petersgrat und dieser wird zum Tschingelhorn erweitert

Drü Schöppelimünggeler und drü Houderebäseler si ufem Kanderfirn umeghulaaneret.

Archivbericht

Drü Schöppelimümggeler und drü Houderebäslere si i mystischer Stimmig vo Selden richtig Mutthornhütte pfoderet. Was gisch was hesch sisi über Bäch ghaspateret und übere Gletscher zyraaget. Ir Hütte hei si Tällerwiis Spagunzle gschnabaageret und hei aschliessend es Jässli gschöberlet. No töif und fescht hei si pfusuberet wo der Wecker am vieri grüeft het: «Heeee dir zwöi mau drüü….. dir müesst sofort uuuf und der Stotzgrotze uf z Tschingelhorn ueche graage!»
Nach länge Stigisezwysplete sisi ufe Gipfu ghulaneret und hei der Blick über z Kandermooos la schwife. Nachdäm si ufem Schnee abezybaageret si, het ne der Abstieg id Chnode glöötet. Früsch und munter sisi mit de Spöitzfänger vor Fafleralp hei pöschterlet und zügerlet.
S’git Lüt wo säge mä heig se nach der Tour no z Bärn ir Aare gseh umeschwaschtere.