Hochtouren und Kletterwoche Albigna

Griffiger Granit und genussvolle Hochtour auf den höchsten Bergeller

Archivbericht

Am Mäntig geits nach ere längere Areis mit dr Gondle zum Stousee im Albignatal. Dank em churze Ufstieg hei mer aui viu Platz für Unnötigs o vorallem viu Züg im Rucksack gha. Am Nami gits es paar wenigi Längine zum Chlettere u de geits o scho zum Znacht i d Hütte.
Scho vom Gondeli us hei mir üses Toureziu vom zwöite Tag gse „la Fiamma“. Für uf die Felsnadle ufezcho hei mir äs paar Seillängine klätteret u o no grad „gehen am kurzen Seil“ chönne üebe. Am Mittwuch isch früeh Tagwach gsi, wüu mir uf ä Castello, dr höchst Bergeller Bärg 3379 hei wöue ga. Mir si sowohl am churze wie am länge Seili mit Stigise u Pickel gloffe. Nach derä 9 Stündige Tour hei mir üs de o na feine Chueche verdient. Chli später hei mer am Donnsti müesse ufstah. Mir si nämlech uf ä Casnil ufegstiege. Derbi si mir gloffe, hei klätteret u gstigiselet, fasch wie bimene 4tuusiger. Nume chli chürzer. Am Nami hets no chli Theorie gä. Am Fritig hei mir probiert üs d Hokuspokusroute ufe ds zoubere, was leider düre Räge verhinderet isch worde. O dr Räscht vom Tag isch gmüetlech gsi. De hei mir üs vo dere tolle Hütte müesse verabschiede wüu ds Ässe isch dr Hammer gsi u es hei immer aui henne Kohldampf gha. Bsungers dr Silvan, är het immer aues usgässe wo när immer top Wätter gä het.