8. Januar 2005 Skitour Ochsen 2188m
Archivbericht
ja dürs Ochsetäli hets fei gföhngstürmt… aber grad zur Akunft ufem Sattel hets abgschwächt u mir, d’Laura, die zwo Nicoles, dr Remo, dr Wolfgang u dr Pfami, hei dir Gipfuhang i agriff gno, Schi/Snowboarddepo u de no ufe Gipfu.
Dr SW-Hang isch de es Sulztröimli gsi uf meh oder weniger tragendem Fundament… faus me im Moment vo Fundament cha rede ; – )
Ar Sunne hets de ono zum erste Kontakt mit dene Lawineverschüttetesuechgrätli glängt… mir hei güebt, so dass äs Gluscht macht ufe Lawinekurs im Jänner!
Bericht: Christian Pfammatter