«21./22. Mai 2011 Rindere Usrumete »

 

Klicke auf ein Bild, um im Album zu blättern.

 

 
Mitem nötigschte ah Gepäck (und keine Rollköferli !!!) si 11 motivierti Freaks mitem Bössli id Rindere gfahre. Obe acho hei mer zersch emau chlei usgrumet und si när mitem Bössli undemne ( chline ) Umweg richtig Chlättergebiet gfahre. Heis grad mau gschaft öppe ei Route z chlättere ( wenn’s höch isch cho) Bevors isch cho rägne. ( Ischs eigentlech ou mau schön Wätter dert obä?) Nachdems churz ghaglet het si mer när no ufs Känzeli d Ussicht ga gniesse. Zum Znacht hei mer Spagetti Bolognaise gnosse.( Em Michu isch e wunderbari pikanti Scherfi glunge) =)

Zum runde Abschluss vo dem Tag het natürlech z „Beatch jungle“ nid dörfe fähle. Nach 30000 Wörter und etleche (fiese) Meierrundene hät me ja chönne meine mir würde langsam müed wärde... Aber nei nachem Motto „ Je länger der Abend desto lustiger die Gäste“ Isch ei witz, Diss und Lacher nachem andere cho.

Am nächschte Morge si deswäge ou nid aui bizite ufgstande. ( Eine het gar z ufstah, z Zmorge und z ufrume verpasst)

Und wi hät mes angersch erwartet, chum isch aues ufgrumt gsi isches cho rägne. ( Wär het sis Täuer nid ufgässe) ?

Nachemne nasse Boulder und emne grosse Ice Caffe si mer zletscht aui ( ou der Benni ) bim Wankdorf acho.

So und da mir nid so gueti Schriber si lö mrs itz da derbi la bewände. =)

Bericht: Jonas und Sina Leu