«Hochtourenwoche Orny»

 

Klicke auf ein Bild, um im Album zu blättern.

 

 
Üse Tourebricht:

Ä Hüttegschicht mit äm Brüuägsicht

Nume zum klarsteuä im Südä gits de meh Satelitä aus im Nordä.

So, itz chöi mir afa:
Eines Tages ischs am Brüuegsicht eifach z Bunt worde. Äs het sini Fründe packt u isch uf d Ornyhüttä gange. Wöu äs öpis het wöuä erläbä. Dert wos häre isch hets viu erläbt, zum Bispiel ischs ga chlätterä, bouldärä, uf nä Hochtour gangä u het sogar d Wasserleitig vor Ornyhüttä verleit. Aso we das nid mau ä Leistig isch.

Aso itz mau eis nach äm angärä:
Am Afang isch ds z Brüuegsicht nähmlich no gar kes Brüuegsicht gsi. Erscht nach äm ganzä Lager isch äs entgültig eis gsi, aber agfangä hets scho im Chlättergartä. Dört hets d Grundlagä vom Chlätterä glehrt. Doch was äs vergässä het isch Sunnäcreme istriche gsi. Drum hets scho nach däm Tag ä liechte Abdruck gha. Stercher isch dr Abdruck när bim Bouldere wordä. Bouldärä chamä diräkt am Bach näb dr Hüttä. Aber wes wüescht Wätter isch (was äs leider äs paar mau i derä Wuche isch gsi) cha mä o eifach dinnä umänä Tisch bouldärä. Zwüschedürä het z Brüuegsicht aber o mau am Hüttewart bi öpisem ghuufa. Z Brüuegsicht u sini Gruppe hei o d Wasserleitig vor Hütte neu verleit, dass d Ornyhütte o fliessend Wasser het übercho. Wos das stouz erlediget het gha, isch vom ne fründlächä Agsteutä uf änglisch gfragt worde, obs nid äs Stück Chuächä zum erhole wot. Doch üses Sprachgeniehet gmeint das äs Französisch wär u het drum nume Bahnhof verstange. Ersch später hets gmerkt, dass äs Änglisch isch gsi, doch denn isch äs scho ds spät gsi. U när ischs äs fescht truurig gsi. Churz nachdäm äs sich vo derä Chuächätragödiä het chönnä erhole isch scho z nächste Drama agloffe. Z Brüuegsicht isch älei mit sinä Fründä im Äsruum vor Ornyhütte gsi wo ä grossi Herdä vo Hüäner agloffe isch. Äs siimmer meh wordä bis dr ganz Ruum vou isch gsi. Dert hei si ihri Eier abgleit u ihres Ässe verspiesst. Z Brüuegsicht isch schockiert gsi u het drum ä Schlachtplan gschmiedet. Zum Glück ischs aber när gar nid so wit cho wöu d Hüäner när grad wieder abdampft si. Aber am nächstä Morgä am vieri isch scho z nächste Abetüür vor dr Tür gstange. Z Brüuegsicht u sini Fründä hei nähmläch uf d Auguille du Tour wöuä. Äs isch zwar no dunku gsi, aber äs isch trotzdäm mit dr Stirnlampe zielsträbig los glüffe. Si si langübärä Gletscher gloffä bi troumvoue Wätter. D Sunnä het obä ächä brätlet. Üses bekanntä Brüuegsicht het sich wieder mau verbrönnt, so dass dr Sunnäbrüuäabdruck itz ganz klar sichtbar isch gsi. Die letschti Strecki uf ä Gipfu isch aber när no kniffliger aus dänkt gsi. Doch wos när dobä isch gsi ischs trotzdäm glücklech gsi. Z Brüuegsicht het säch wiä ufem Mount Everest gfüählt. Uf äm abe Wäg ischs aber när zackig zu und här gange. Wöus nümme so het mögä loufä ischs haut när hindä nachä gflogä. Aber gfauä hets ihm glich. Glückläch u müäd isch z Brüuägsicht mit sinä Fründä u sim Sunnäbrand zrügg nach Bärn gangä.
U wes nid gstorbä isch de hets hüt no si Sunnäbrandbrüuäabdruck.

von Livia, Rémy, Leo, Gian Marika, Fred, Simu u Felix (Brüuägsicht;))